Навигация

Серіктестер

Ашық сабақтар

Мемлекеттік тілді оқыту курсы бойынша

Мемлекеттік тілді оқытуға арналған типтік бағдарлама негізінде «Қазақ тілі В2» ортадан жоғарғы деңгейге арналған оқулықты басшылыққа ала отырып, бекітілген күнтізбелік тақырыптық жоспарға сәйкес, В2 деңгейінің топтарында және іс жүргізу курсының сабақтары жүргізілуде. Белгіленген жұмыс бағдарламасында 8 модуль қамтылған болатын. Жыл басынан «Отбасы мәселелері», «Тіл білудің мәселелері», «Әлем тағамы алдыңызда», «Білімді мыңды жығады» атты модульдермен сабақтар өткізілді.

8 наурызға арналған «Ардақтайық ананы» атты ашық сабақ өткізілді. Сабақтың мақсаты - тыңдаушыларды  аналарымызды аялап, құрмет тұтуға баулу, халқымыздың ұлттық салт-дәстүрін құрметтеу және сөздік қорларын молайту.

22 наурыз қарсаңына өткізілген «Жыл басы – Наурыз» атты ашық сабақтың мақсаты - тыңдаушыларға халқымыздың әдет-ғұрпы және «Наурыз» туралы түсінік беру арқылы, оларға Наурыз мерекесі ұлтымыз үшін Ұлыстың Ұлы күні екенін ашып көрсету, сонымен қатар, өнеріміз бен мәдениетімізді қастерлеуге шақыру, сөздік қорын молайту және халқымыздың ұлттық салт-дәстүрін дәріптеу.

Қазақстан Республикасы Мәдениет және спорт министрлігі Тілдерді дамыту және қоғамдық-саяси жұмыс комитетінің ұйымдастыруымен өткізілген «Мемлекеттік тілді үйрету: әдіс, тәжірибе, инновация» атты республикалық семинарда «Мемлекеттік тілді оқытудағы интерактивті әдіс-тәсілдер» атты тақырыпта баяндама дайындалып, тәжірибе  алмасылды.

 

Алматы облысының «Тіл» оқу-әдістемелік орталығының ағылшын тілін оқыту курсы бойынша 4 сәуір күні  оқытушы   А. Есімбекова  «Earth is Dearer than Gold» (Жер планетасы алтыннан да қымбат) тақырыбында B2 (Intermediate) деңгейінде ашық сабақ өткізді. Сабақтың мақсаты тыңдаушылардың сөздік қорын кеңейту, экология мәселелері бойынша пікір алмасу, сөйлеу қабілеттерін дамыту. 

6  сәуір күні  ағылшын тілі курсының оқытушысы Есимбекова Асылжан «Салауатты өмір салты» тақырыбында ашық сабақ өтті. Ашық сабақ мақсаты – тыңдаушыларға салауатты өмір салтының маңыздылығын түсіндіру және қазіргі заманда адам денсаулығына кері әсерін тигізетін іс-әрекеттердің, зиянды тағамдардың кесірі  туралы ақпарат беру.

2017 жылғы 7 сәуір күні Талдықорған қаласының «Тіл сарайы» ғимаратында «Мемлекеттік  тілді  оқыту: әдіс, тәжірибе, инновация»  атты республикалық семинар-кеңес өтті. Шара ҚР Мәдениет және спорт министрлігі  Тілдерді дамыту және қоғамдық-саяси жұмыс комитетінің ұйымдастыруымен мемлекеттік тілді оқыту әдістемесін жетілдіру мақсатында ұйымдастырылды. Семинарға ҚР Мәдениет және спорт министрлігі  Тілдерді дамыту және қоғамдық-саяси жұмыс комитетінің төрағасы Асылов Қуаныш Жұмабекұлы, Алматы облысы әкімінің орынбасары Омар Жақсылық Мұқашұлы, облыс орталықтарындағы Тілдерді дамыту басқармаларының басшылары, барлық мемлекеттік тілді оқыту орталықтарының директорлары, оқытушылар, шығармашылық зиялы қауым өкілдері, танымал қоғам қайраткерлері қатысты. Талқылау барысында мемлекеттік тілді үйретудің өзекті мәселелері сөз болды. Жетекші әдіскерлер мен облыстық тіл оқыту орталықтарының басшылары қолданыстағы тәжірибелерімен бөлісіп, шеберлік сабақтарын көрсетті.

17 сәуір күні мемлекеттік тіл ортадан жоғары В2 деңгейінің 1-топ тыңдаушыларының арасында 15 сәуір Махаббат күніне арналған «Қозы Көрпеш пен Баян сұлу, Төлеген   мен Жібек»  тақырыбында ашық сабақ өтті.                                          

10 мамыр күні  "Тіл" оқу-әдістемелік орталығының ұйымдастыруымен тіл үйренушілерінің  арасында "Ынтымағы жарасқан туған өлкем – Қазақстан"  атты іс шара өтті. Аталған шараға өзге этнос өкілдері қатысып, өз өнерлерін көрсетті.

  18 мамыр күні  «Тіл»  оқу-әдістемелік орталығының оқытушылары курс тыңдаушыларымен  «Саяхат сабақ» өткізді. Оқытушылар З. Қожакеева А 2 топ тыңдаушыларымен, М. Болысбекова В1 топ тыңдаушыларымен Талдықорған қаласындағы  М.Тынышпаев атындағы тарихи-өлкетану  мұражайына  саяхат  жасады.

Мемлекеттік тіл, орыс тілі және ағылшын тілі курсын оқытуды жетілдіру, тіл үйренушілердің тілді меңгеру деңгейін, үш тілді меңгерудің қаншалықты маңызды екенін анықтау мақсатында 2017 жылдың 17-19 мамыр аралығында, тіл үйренушілерден тілді  меңгеруге байланысты әлеуметтік сауалнама, талдау жүргізу жұмыстары ұйымдастырылды. Сауалнама төмендегі  кезеңдерді қамтыды:

1. Мемлекеттік тілді білудің  пайыздық көрсеткіші (мемлекеттік қызметшілер мен бюджеттік сала қызметкерлері арасында);

2. Орыс тілін білу деңгейіне талдау жасау

3. Ағылшын тілін білудің пайыздық көрсеткішіне (мемлекеттік қызметшілер мен бюджеттік сала қызметкерлері арасында) талдау жасау;

4. Тіл  үйренушілер  арасында  оқыту сапасына байланысты түрлі әлеуметтік  сауалнама жүргізу.

24 мамыр күні  «Тіл» оқу-әдістемелік  орталығының  ағылшын тілі курсының оқытушысы Жазира Сұлтамбекова А1 деңгейдегі  тыңдаушылармен  «What’s  cooking?» «Не пісіреміз?» тақырыбында ашық сабақ өтті.

9 маусым күні Тіл сарайында, «Тіл» оқу-әдістемелік орталығының ұйымдастыруымен  «Use  of  online  resources at English  lessons» атты  оқу-әдістемелік онлайн-семинар өтті. Семинарға ЖМУ, Талдықорған политехникалық колледжі және орта мектеп ұстаздары қатысты. 

9 маусым күні Тілдерді дамыту және қоғамдық-саяси жұмыс комитетінің  ұйымдастыруымен  «Мемлекеттік тілді оқыту әдіснамасын жетілдіру және стандарттауды іске асыру жолдары» тақырыбында  республикалық онлайн-семинар өтті. Аталған шара Жамбыл облысы Тілдерді дамыту басқармасының Мемлекеттік тілді оқыту орталығы базасында ұйымдастырылды.

19-20 маусым аралығында «Тіл» оқу-әдістемелік орталығы тыңдаушыларынан латын әліпбиіне көшудегі ұтымды жақтарымызды анықтау мақсатында жасырын сауалнама алынды. Сауалнамаға мемлекеттік тіл және ағылшын тілі курстарының тыңдаушылары қатысып, өз жауаптарын берді.

19-23 маусым аралығында тіл меңгеру деңгейін анықтау емтихандарының тапсырмалары бекітіліп,  тілдерді меңгеру деңгейін анықтау емтихандары өткізілді.

2017 жылғы 25 тамызда Тіл сарайында «Тіл» оқу-әдістемелік орталығының ұйымдастыруымен Елбасы Нұрсұлтан Әбішұлы  Назарбаевтың   «Болашаққа бағдар: рухани жаңғыру» мақаласында атап көрсетілген   жалпыұлттық  патриотизм  ұғымын  кеңейтуге бағытталған  «Туған жер»  бағдарламасын насихаттау мақсатында «Туған жер – алтын бесік» атты іс шара болып өтті.

2017 жылдың 18 қазанында «Тіл» оқу-әдістемелік орталығында ортадан жоғары В2 тіл үйренушілерімен үш тілдің үйлесімі мемлекеттік тіл, орыс тілі және ағылшын тілі курстарынан «Ас адамның арқауы» тақырыбында үш тілде кіріккен ашық сабақ өткізді.

13 қарашада  «Тіл» оқу-әдістемелік орталығының  орыс тілі курсының оқытушысы  Сұлтамбекова  Жазира  Жексембекқызы «Мой дом» тақырыбында А1 деңгей тыңдаушыларымен ашық сабақ өтті. Сабақтың мақсаты тыңдаушылардың орыс тілінде сөйлеу  дағдыларын қалыптастыру, курсқа  деген қызығушылықтарын арттыру, тілді үйренудегі сенімділіктерін арттыру. 

17 қарашада Алматы облысының тілдерді дамыту жөніндегі басқармасының ұйымдастыруымен, «Тіл» оқу-әдістемелік орталығымен бірлесе отырып, «Қазтест бағдарламасы негізінде білім деңгейін бақылау» тақырыбында облыстық семинар өтті.

Семинардың мақсаты – қоғамның әр саласында азаматтардың мемлекеттік тілді меңгеруіне мейлінше қолайлы жағдай жасаудағы Қазтест жүйесі бойынша тестілеудің рөлі, маңызы және қазақ тілін меңгерудегі ықпалы бойынша жауапты мамандармен мәліметтер бөлісу, пікір алмасу.

 

«Тіл» оқу-әдістемелік орталығының оқытушысы А. Есімбековнаның өткізген ашық сабағы жайлы мәлімет.

 

2017 жылғы 6 желтоқсан күні ағылшын тілі курсының оқытушысы Асылжан  Есімбекова  жоғары деңгейдегі  «English Practice  Course» тобымен «Appearance and character » - «Келбет және мінез» тақырыбында ашық сабақ өткізді. Ашық сабақтың мақсаты  берілген сурет бойынша адамдардың сырт келбетін сипаттауды және мінез-құлқын  жеткізіп айту, осы тақырып бойынша коммуникациялық дағдыларын қалыптастыру.

Оқытушы өз сабағында  ақпараттық коммуникациялық жаңа технологияларды шебер пайдаланып  тыңдаушылардың  сабаққа деген қызығушылығын арттырды. Ашық сабаққа  оқу бөлімінің әдіскері Б. Оразова  мен тілдерді дамыту бөлімінің бас маманы Ә. Кенжегулова қатысып, өз бағаларын берді.

Дизайн и разработка сайта от компании «Licon».
Создано на платформе Alison CMS © 2011-2018. Авторские права защищены законодательством Республики Казахстан.