Навигация

Видеогалерея

Партнеры

Рухани жаңғыру: Переход на латиницу

Талдықорғандағы «Тіл сарайында» латын қарпіне көшудің маңызы талқыланды

Категория: Рухани жаңғыру: Переход на латиницу
Дата: 30.10.2017
Просмотры: 12 Печать страницы
Талдықорғандағы «Тіл сарайында» латын қарпіне көшудің маңызы талқыланды

Президентіміз Нұрсұлтан Әбішұлы Назарбаев «Болашаққа бағдар: рухани жаңғыру» атты мақаласында қазақ тілін латын әліпбиіне көшіруге байланысты нақты міндеттерді белгіледі. Бүгінде Елбасы Нұрсұлтан Назарбаевтың латын қарпіне көшу туралы тапсырмасына орай жүйелі жұмыстар жүргізіліп, оның тиімділігі мен маңызы түсіндірілуде. Осы мақсатта Талдықорған қаласы Тіл сарайында «Қазақ әліпбиін латын қарпіне көшіру жөнінде» жиын өтті, деп хабарлайды Алматы облысы Тіл басқармасының баспасөз қызметі.
Жиынға Абай атындағы Қазақ Ұлттық педагогикалық университетінің кәсіби бағыттағы тілдер кафедрасының меңгерушісі, филология ғылымдарының докторы, профессор Жұмағали Әбуов, А. Байтұрсынұлы атындағы Тіл білімі институты тіл мәдениеті бөлімінің меңгерушісі, филология ғылымдарының кандидаты Нәзира Әміржанова, А.Байтұрсынұлы атындағы Тіл білімі институты терминология бөлімінің меңгерушісі, филология ғылымдарының кандидаты, доцент Сәрсенбай Құлманов, сонымен қатар зиялы қауым өкілдері мен тілге жауапты мамандар қатысты.
Басқосуда баяндама жасаған ғалымдар латын әліпбиіне көшуге қатысты ойларымен бөлісті.
Олар латын әліпбиіне көшу – ұлттық мүддені қорғаудың басты тетігі екендігін айтты.
Өз сөзінде А.Байтұрсынұлы атындағы Тіл білімі институты тіл мәдениеті бөлімінің меңгерушісі, филология ғылымдарының кандидаты Нәзира Әміржанова ең бастысы Түркия, Өзбекстан, Әзірбайжан, Түркменстан сияқты түркітілдес елдердің тәжірибесіне сүйене отырып, үлкен дайындық жұмыстарын жүргізу керектігін тілге тиек етті. Сондай-ақ, әліпби жасаудың бірнеше критерилерін атады.
– Әліпбиді жасауда ең алдымен балаға көзшалым және қолшалымға оңтайлы болуы керек. Әліпбиді ересек адамдар үшін емес, 6-7 жастағы баланы ойлап жасауымыз қажет. Егер көзшалым мен қолшалымға оңтайлы болса, бұл керемет жазу болады», – деген филология ғылымдарының кандидаты Нәзира Серікқызы өз сөзінде бір әріп – бір дыбыс принципінің қатаң сақталуы туралы да кеңінен әңгімеледі.
Жиынға қатысушылар баяндамашыларға латын әліпбиіне көшуге байланысты сұрақтарын қойып, нақты жауаптарын алды.

 2017 Ж. ИЮНЬ 30 - 3 225 РЕТ ОҚЫЛДЫ

 dalanews@mail.ru

Дизайн и разработка сайта от компании «Licon».
Создано на платформе Alison CMS © 2011-2017. Авторские права защищены законодательством Республики Казахстан.