Навигация

Серіктестер

Жаңалықтар

ULYSTYŃ ULY KÚNİ QUTTY BOLSYN!

Almaty oblysy tilderdi damytý jónindegi basqarmasy barsha qazaqstandyqtardy Ulystyń uly kúni – Naýryz merekesimen shyn júrekten quttyqtaıdy! Ult mereıin ósirip, bar bolmysymyzdy aıshyqtaıtyn halqymyzdyń eń uly meıramy – Naýryz jańarý men jasampazdyqtyń bastaýy, yrys pen yntymaqtyń arqaýy. Tirshilik ataýlyǵa jan bitip, jer-ana kógerip-kóktep, shattyqqa keneletin erekshe kezeń. Kóktemniń saýmal samalyna ilesip jetken áz Naýryz elimizge qut-bereke, otbasyńyzǵa birlik pen qýanysh, baqyt pen molshylyq ákelsin. Ulystyń uly kúni qutty bolsyn!
Толығырақ... Оқылды: 5 Санат: Жаңалықтар Уақыты: 20.03.2019

КӨКТЕМНІҢ АЛҒАШҚЫ СЕНБІЛІГІ

Көктемнің алғашқы сенбілігі басталды. Бүгін 16 наурыз таңғы сағат 9.00-де басталған жалпықалалық сенбілігіне Алматы облысы тілдерді дамыту жөніндегі басқармасының басшылары мен барлық қызметшілері, «Тіл» оқу-әдістемелік орталығының оқытушылары мен қызметшілері қаламыздың тазалығы мен көркі үшін бір адамдай белсене қатысты. Олар мекеме ауласы мен жол жиектерін қыстан қалған қоқыстардан тазартты. Қоршаған ортаны, айналаны таза ұстау әр адамның міндеті. Мұндай игі іс алдағы күндерде де жалғасын таппақ.
Толығырақ... Оқылды: 8 Санат: Жаңалықтар Уақыты: 16.03.2019

ЖАҢА ЕМЛЕ ЕРЕЖЕЛЕРІ БОЙЫНША 60 МАМАНҒА СЕРТИФИКАТ ТАБЫС ЕТІЛДІ

Бүгін «Жаңа емле: құрылымы мен мазмұны» атты республикалық семинардың қорытындысы бойынша латыннегізді қазақ жазуын ересек аудиторияларға үйрететін болашақ тренерлерге (оқытушыларға) салтанатты түрде сертификат тапсыру рәсімі болып өтті. Латыннегізді қазақ әліпбиі мен емле ережелерінің құрылымын, емле нормаларының ғылыми негіздерін оқыта, түсіндіре алатын білікті мамандар дайындауды мақсат тұтып отырған мұндай республикалық шара ең алғаш Алматы облысынан басталып отыр. Екі күнге созылған семинарға қатысушылар «Қазақ жазуын латын графикасына көшірудің мақсаты», «Жаңа қазақ әліпбиінің графикасы мен құрамы», «Бірге жазылатын сөздердің емлесі», «Дефиспен жазылатын сөздер емлесі», «Шеттілдік сөздердің орфографиялануы және орфоэпиясы», «Бас әріппен жазылатын сөздердің емлесі» тақырыптары бойынша білімдерін жетілдірді. Аталған шараға сертификат табыстау үшін А. Байтұрсынұлы атындағы Тіл білімі институты...
Толығырақ... Оқылды: 29 Санат: Жаңалықтар Уақыты: 15.03.2019

РЕСПУБЛИКАЛЫҚ ШАРА АЯСЫНДА «ЖАҢА ЕМЛЕ: ҚҰРЫЛЫМЫ МЕН МАЗМҰНЫ» АТТЫ ДӘРІС ӨТТІ

Еліміздің рухани өміріндегі өзекті мәселенің бірі – әліпбиіміздің өзгеруі. Заман талабынан туындаған жаңа бастаманы жандандыру баршамызға ортақ іс. Республика көлемінде жаңа латын графикасымен жазылған жазба тіліміздің жүйесін, емле ережелерін ғылыми негізін түсіндіре алатын білікті мамандар дайындаудың маңызы өте зор. Осы тұрғыда бүгін Талдықорған қаласында ҚР Мәдениет және спорт министрлігі Тіл саясаты комитеті Шайсұлтан Шаяхметов атындағы «Тіл-Қазына» ұлттық ғылыми-практикалық орталығының ұйымдастыруымен «Жаңа емле: құрылымы мен мазмұны» тақырыбында дәріс болып өтті. Дәріс-семинардың мақсаты – латыннегізді қазақ әліпбиі мен емле ережелерінің құрылымын, емле нормаларының ғылыми негіздерін ересек аудиторияларға оқыта, түсіндіре алатын білікті тренерлер дайындау. Дәрісті Ш. Шаяхметов атындағы «Тіл-Қазына» ұлттық ғылыми-практикалық орталығы орфография басқармасының басшысы, филология ғылымдарының кандидаты Фазылжанова Анар Мұратқызы...
Толығырақ... Оқылды: 32 Санат: Жаңалықтар Уақыты: 14.03.2019

БАЯҒЫ ЖАРТАС – СОЛ ЖАРТАС

Көксу ауданы Балпық би, Теректі, Ақшатоған, Лабасы ауылдық округтеріндегі ономастикалық ахуалдың жай-күйін зерделеу мақсатында болып қайтқан ономастикалық жұмыс және талдау бөліміннің бас маманы Қ. Бозтаева аталған аудандағы жарнама, көрнекі ақпарат, көше аншлагтарының ресімделуі бойынша барлық кемшіліктер осыдан үш жыл бұрынғы ономастика комиссиясының отырысында қаралған дейді. Яғни қаралған мәселе іске аспай, «жабулы қазан жабулы» күйінде қалып қойған. Қалаға іргелес ауылдың көшесіндегі орыс тілінде жазылған жарнамалардан көз сүрінеді. Түсіндіру, әдістемелік көмек көрсету жұмысына Көксу ауданының мәдениет және тілдерді дамыту бөлімінің басшысы Ж. Садықова да қатысты. Балпық би, Ақшатоған, Теректі, Лабасы ауылдарында болып, түсіндіру жұмысын жүргізу нәтежиесінде үй маңдайшаларына ілінген «улица М. Маметовой», «Қыстаубаев Абдурзақ», «Абдрахманова», «Айтекеби», «Р. Даулетова», «Валиханова» «Фурман...
Толығырақ... Оқылды: 3 Санат: Жаңалықтар Уақыты: 13.03.2019

ТІЛ МӘРТЕБЕСІ ӨЗ ҚОЛЫМЫЗДА

Алматы облысы тілдерді дамыту жөніндегі басқарамасының ономастикалық жұмыс және талдау бөлімі 2019 жылғы I тоқсанының жұмыс жоспарына сәйкес Ақсу ауданында зерделеу жұмысын жүргізді. Сағабүйен және Есеболатов ауылдарына ат басын тіреген мамандар Д. Кожухова мен Ақсу ауданы мәдениет және тілдерді дамыту бөлімінің басшысы А. Елубаева бұл ауылдардағы кейбір мекемелер «Қазақстан Республикасындағы тіл туралы» Заңның 21-бабын ескермей отыр дейді. Нақтылап айтар болсақ, аталған заңда: бланкiлер, маңдайшалар, хабарландырулар, жарнамалар, прейскуранттар, баға көрсеткiштерi, басқа да көрнекi ақпарат мемлекеттiк тiлде және орыс тiлiнде, ал қажет болған жағдайда басқа да тiлдерде жазылады делінген. Ал Ақсу аданы, Сағабүйен ауылының дәрігерлік амбулаториясында сыртқы маңдайша жазуы бірінші орыс тілінде, одан кейін мемлекеттік тілде жазылған, сол сияқты аталған дәрігерлік көмек көрсету мекемесінің ішкі қабырғаларына ілінген мемлекеттік қызметшілердің әдеп кодексі алдымен ресми одан кейі...
Толығырақ... Оқылды: 3 Санат: Жаңалықтар Уақыты: 13.03.2019

8 НАУРЫЗ ХАЛЫҚАРАЛЫҚ ӘЙЕЛДЕР КҮНІ ҚҰТТЫ БОЛСЫН!

Алматы облысы тілдерді дамыту жөніндегі басқармасы әзиз әжелерді, ардақты аналарды, аяулы аруларды көктемнің шұғылалы да шуақты мерекесі – 8 наурыз Халықаралық әйелдер күнімен шын жүректен құттықтайды! «Ана бір қолымен бесік тербетсе, екінші қолымен әлемді тербетеді» деген сөз текке айтылмаса керек. Бұл өмірде әйел-анаға тең келер ешкім жоқ. Шыр етіп дүние есігін ашқаннан-ақ ананың ақ сүтімен нәр алып, ана құшағына еніп, ана мейіріміне бөленеміз. Сәбидің аузынан шығатын ең алғашқы сөзі де – ана. Олай болса, бар тіршіліктің тұтқасын ұстап тұрған абзал жандар, көктем мерекесі көңілдеріңізге қуаныш сыйлап, жүздеріңізге нұр шашсын! Әрқашан шаңырақтарыңыз берекелі болып, үйлеріңізден жылылық кетпесін! Дендеріңізге саулық, отбасыларыңызға амандық, баянды бақыт тілейміз!
Толығырақ... Оқылды: 23 Санат: Жаңалықтар Уақыты: 07.03.2019

ТІЛДІК АХУАЛ: АТҚАРЫЛҒАН ЖҰМЫСТАР ЖӘНЕ АЛДАҒЫ МІНДЕТТЕР

Бүгін Алматы облысы тілдерді дамыту жөніндегі басқармасында 2018 жылдың қорытындысы бойынша «Тілдік ахуал: атқарылған жұмыстар және алдағы міндеттер» тақырыбында жиын өтті. Жиынға аудандық, қалалық мәдениет және тілдерді дамыту бөлімінің басшылары мен бас мамандары және облыстық басқарма қызметшілері қатысты. Облыстық тілдерді дамыту жөніндегі басқарма басшысы Айдар Башбаев кіріспе сөз сөйлеп, жиынды жүргізді. Басқарма басшысы өз сөзінде жыл басынан бері атқарылған істердің ауқымды тізбегі мен болашақ жоспарлары жайында айтып өтті. Мәселен, латыннегізді жаңа әліпби бойынша оқыту орталықтары жоқ аудандарда 10 орталық ашу жоспары, сол аудандардың көкейінде жүрген түйткілді сұрақ болғандықтан қатысушыларды қуантты. Жиында тілдерді дамыту бөлімінің басшысы Т. Рахымберлина және ономастикалық жұмыс және талдау бөлімінің басшысы Е. Ақшабаев баяндама жасады, баяндама барысында кейбір аудандарға қатысты кемшіліктер де айтылды. Талғар және Райымбек аудандарының мәдениет және тілд...
Толығырақ... Оқылды: 38 Санат: Жаңалықтар Уақыты: 05.03.2019

БІЗ АЛҒЫСҚА БӨЛЕНГЕН ЕЛДЕ ТҰРАМЫЗ

Бүгін Алғыс айту күніне орай, Достық үйінде Қазақстан халқы Ассамблеясының ұйымдастыруымен «Біз алғысқа бөленген елде тұрамыз» атты облыстық форум болып өтті. Әнмен әрленіп, бимен көркемделген шарада өзге этнос өкілдері қазақ еліне өз Алғыс сезімдерін жеткізді. Шара барысында Немцев Василий Константинович және Ө. А. Жолдасбеков атындағы экономика және құқық академиясының құқықтану факультетінің 1 курс магистранты Александр Югай Борисович мемлекеттік тілді еркін меңгерудің маңыздылығына тоқталып, алғыс айтып, көрермен ықыласына бөленді.
Толығырақ... Оқылды: 25 Санат: Жаңалықтар Уақыты: 01.03.2019

1 НАУРЫЗ АЛҒЫС АЙТУ КҮНІ

Көктемнің алғашқы күні, 1 наурызда Қазақстан халқы алғыс айту күнін атап өтеді. Дана халқымыздың «Қарғыс алма, алғыс ал», «ел алғысын алсаң елеулісі боларсың», «алғыс алған арымас, қарғыс алған жарымас» деген өсиет сөздері арқылы алғыс айтудың орны ерекше екенін аңғаруға болады. Біреудің шынайы алғысына бөлену адамға үлкен рухани әсер береді. Алғыс білдіру адамдар арасындағы өзара құрметті, мейірбандықты көрсетеді, адамның адамға деген шынайы, таза ниетін білдіреді. Осы мерекеге орай Алматы облысының «Тіл» оқу-әдістемелік орталығының ағылшын тілі курсының оқытушылары А. Есімбекова мен М. Мұқанованың ұйымдастыруымен «English and Kazakh holiday» яғни ағылшын және қазақ мерекесі тақырыбында «А2-Elementary» деңгейінің тыңдаушылары арасында ашық сабақ өтсе, аталған орталықтың мемлекеттік тіл курсының оқытушылары М. Болысбекова мен А. Кенжебаеваның ұйымдастыруымен «А1-қарапайым» деңгей тыңдаушылары арасы...
Толығырақ... Оқылды: 34 Санат: Жаңалықтар Уақыты: 01.03.2019
Дизайн и разработка сайта от компании «Licon».
Создано на платформе Alison CMS © 2011-2019. Авторские права защищены законодательством Республики Казахстан.